السلام عليكم ورحمة الله وبركاته
بصراحة انا منذ فترة اتابع هذا المنتدى الرائع ولفتني كثرة نشاطه
والذي ميزه عن باقي المنتديات الآخرى واعجبني كثير من اعضاءه قلت لازم نسجل ونكون أحد اعضاءه ايضاً ,,,, وهذه اول مشاركاتي المتواضعة واتمنى ألا أخيب ظن من دعاني إلى هذا المنتدى الجميل ,,,, (اترككم مع القصيدة )
يا عين يم بيوتهم لا تلدين=الوقت طال وحبهم ترتجينه
ليتك عن النظرات فيهم تجوزين=الزين حال الياس بينك وبينه
حتى ولو انك لبابه تمرين=غض النظر يا عين لا ترفعينه
ما فادني شوفه له شهور وسنين=والعاشق المظلوم وش في يدينه
غير السهر والهم والناس ممسين=وجدواه تصفق في شماله يمينه
ربي خلق كل الاوادم مساكين=كلٍ بلاه وسبّته شوف عينه
واليوم الا يا عين طالبك تكفين=جرح الفؤاد التم لا تجرحينه
الجرح جرحه بعد ما ينتهي شين=والقلب باللي فات لا تذكرينه
اتمنى ان تنال شي من استحسانكم واعجابكم
دمتم سالمين
08-02-2008, 01:07 PM
العاشق المظلوم 
