السلام عليكم ورحمة الله وبركاته
اخواني واخواتي اعضاء منتديات تعب قلبي
هذه احدى قصائدي القريبة لنفسي ,,, أحببت ان اعرضها لكم أملا ان تحوز على رضاكم واعجابكم
قلبي اللي ما هقيت انه عن الحب ايتبرّى=ما يعرف الخوف طبعٍٍ له ولا الذله سجيه
يوم شافك يا العيون السود روّح ما تجرّا=مستكن اربع ردينيات واثنين ازوريه
حن قلبي تل قلبي جر قلبي منك جرّا=ونتي ثنتين وحده بيّنه واخرى خفيه
مونسٍ بقصى الحشا سلكٍ من الكهرب تعرّا=قام يصفق فالحنايا مثل صفق الجرمنيه
واتحاشى واتدارى البوح واصبر واتدرّى=ليلتين اربع ليالي خمس راحت سرمدية
عادك الاّ يا غصين البان تنعم واتطرّا=ما يمرك غير نسمه ناعمه مثلك طريه
والسحاب اللي مع الوادي على ذا البيد مرّا=مرةٍ غنى هجينيه ومره سامريه
قلت له فرقى الحبايب مر قال الصبر امرّا=وانتثر دمعه صلاة العصر من خد الدفيه
اخوكم ومحبكم / فيصل فهد التيماوي
08-02-2008, 01:07 PM
صفق الجرمنية 
