هلآ مسآء الخير يابعد كل الرجال = تصدق في غيابك ما هنالي نوم!!

*

طولت غيابتك ومعها عذابي طال = وطال همي والشقى صارلي مقسوم..

*

الله يعين أهل الهوى ويزين الأحوآل = ياشيخ ما تعرف ترحم أنسان محروم؟؟

*

يا شيخ ماتعرف تدق رقم جوال = تطمني وتكفيني كلام العاذل واللوم..

*

والله أني بعض اْلأحيان يصيبني هبال = ومنك عذابي يزيد جمره كل يوم!!

*

ترى أفعالك اللي تسويها تهد جبال = مدري أنا كيف صابر وأنا المظلوم؟؟

*

يأخي وش فيك كل يوم تشد رحال = والفرقا قُـدرت لي دايم الدوم..

*

وكل يوم لك فيني جديد أفعال = تقاطعني وتبهذلني والشقى قدر محتوم!!

*

مع ذلك أنت عندي تسوى كل الرجال = وتسوى القبيله وكل القوم..

*

وبعدك يصيبني الجنون وكل الهبال = والسوق بعد طايح وارخص السوم؟؟

*

والشعر ينساق وينحت لك تمثال = تمثال حبك وأسمك عليه مختوم!!

*

يابعد كل القبيله ويابعد كل الرجال = ياعسى ربي يحفظك ويخليك لي دوم..